Гісторыя стварэння музея
Гісторыя музея бярэ свій пачатак у далёкіх ужо 1980-х гадах, калі на трэцім паверсе школы быў створаны “ Куток баявой славы”. Актыўна работа па стварэнню музея праводзілась у часы кіраўніцтва школай Міхалкоўскім К.А. і Рабцавым П.А., якія ўнеслі новыя задумкі, ідэі ў фазу стварэння музея. Адкрыты музей быў у 1995 годзе, калі гэта справа была даручана мясцоваму краязнаўцу , Чалавеку з вялікай літары Багдановіч Марыі Іванаўне.
На працягу ўсёй сваёй дзейнасці галоўнымі задачамі музея былі: 1. патрыятычнае выхаванне падрастаючага пакалення; 2. забяспячэнне захаванасці каштоўнасцей гісторыі, культуры, прыроды; 3. пашырэнне ведаў пра значныя падзеі мінуўшчыны і сучаснасці.
У 2000-х гадах на базе музея працавалі гурткі “Музеязнаўства”, “Юных экскурсаводаў”. Штогод гісторыка-краязнаўчы музей школы прымае да паўтысячы наведвальнікаў. Яго гасцямі былі жыхары розных куткоў Беларусі, Францыі, Літвы, Латвіі, Польшчы, Расіі. Сярод іх паэтыі пісьменнікі – Бутэвіч Ан., Ул. Арлоў, В.Шніп, Д. Бічэль, П. Савоська, М. Казлоўскі, В. Скарабагаты, археолаг Калядзінска Л., Мірыам Паўлоўская і інш.
Накірункі дзейнасці
Савет музея ўключыўся ў турысцка-краязнаўчую экспедыцыю “ Наш край “, выбраў накірункам сваёй дзейнасці пошукава-даследчую работу па гісторыі Залесся і школы, папулярызацыю краязнаўства і турызму. Сабраны матэрыялы па жыццю і творчасці М.К.Агінскага, гісторыі Залесся ў гады І і ІІ Сусветных войнаў.
Экспанаты
Экспазіцыя музея створана на падставе музейных прадметаў з уласных фондаў. На 1 студзеня 2016 года у музеі налічвалася 233 экспанатаў, у т.л. 182 –асноўнака фонду. Найбольшую цікавасцьу наведвальнікаў выклікаюць старажытныя праылады працы, косці маманта. Плошча музея складае 48 м<sup>2</sup> .
Асноўныя формы работы ў музеі
- экскурсіі;
- папаўненне фондаў музея;
- тэматычныя вечарыны
- віктарыны
- сустрэчы з славутымі землякамі
- ветэранамі ВАв і працы, выпускнікамі;
- музейныя ўрокі
Асноўныя раздзелы экспазіцыі
- Старажытнае Залессе;
- М.К.Агінскі;
- На скрыжаванні дарог і падзей;
- Залессе ў гады ВАв;
- Этнагафічны;
- Лёсам звязаныя з Залессем;
- Гісторыя школы
